Koreyaga ishlashga borgan ikki o‘zbekistonlik qochib ketdi
Hozirda ularga jarima qo‘llash chorasi ko‘rilmoqda.
Joriy yilning 11 noyabr kuni E-9 ishchi vizasi orqali Koreyaga 100 nafar o‘zbekistonlik jo‘nab ketgandi. Ularning orasidan ikki nafari (Samarqand va Jizzax viloyatlaridan) oradan 3-4 kun o‘tganidan so‘ng o‘z ish joyini sababsiz tashlab ketgani aniqlangan.
O‘zlariga bildirilgan ishonchni oqlamasdan, shartnoma shartlarini qo‘pol tarzda buzgan ikki huquqbuzarning mahallalariga masʼullar bordi va ularning ota-onalari, mahalla ahli ishtirokida holat muhokama qilindi. Hozirda ularga jarima qo‘llash va kerak bo‘lsa O‘zbekistonga qaytarish choralari ko‘rilmoqda.
O‘zbekiston fuqarolari Koreyada ish joyini sababsiz tashlab ketsa, oradan o‘tadigan har bir oy uchun kafillikka olgan qarindoshiga 2000$ jarima qo‘llanilishiga asos bo‘ladi.
