Andijondagi fermer xo‘jaligi 160 mln so‘mlik elektrni o‘g‘irladi
Hozirda holat yuzasidan jinoiy ish ochilgan.
Bosh prokuratura huzuridagi Departamentning Asaka va Qo‘rg‘ontepa tumani bo‘limlari tomonidan “O‘zenergoinspeksiya” Andijon viloyat boshqarmasi xodimlari hamkorligida o‘tkazilgan tadbirlarda “A.x.” MCHJ rahbari A.A. va “S.B.” fermer xo‘jaligi masʼul shaxslari umumiy foydalanishdagi elektr tarmog‘iga tijorat maqsadida o‘zboshimchalik bilan ulanib, jami 160,9 mln. so‘mlik elektr energiyadan noqonuniy foydalanganliklari aniqlangan.
Hozirda mazkur holat yuzasidan Jinoyat Kodeksining 169-moddasi (o‘g‘irlik) bilan jinoyat ishlari qo‘zg‘atilib, tergov harakatlari o‘tkazilmoqda.
