APLda London derbisi, Italiyadagi intriga va “Real” uchun yana bir sinov
Dam olish kunlari futbol muxlislarini qanday bahslar kutmoqda?
Tugab borayotgan hafta oxirida bizni Yevropaning top jamoalari ishtirokidagi bir qator qiziqarli bahslar kutib turibdi. Bugun e'tiboringizga dam olish kunlari o'tkazilishi kutilayotgan futbol uchrashuvlari haqida ma'lumot taqdim etamiz.
"Tottenhem" - "Chelsi"
"Chelsi" hozir ajoyib formada. Mareska jamoasi Premyer-ligada oxirgi marta oktabr oxirida mag'lub bo'lgan va hozirda jamoa ketma-ket uchta o'yinda g'alaba qozondi. “Tottenhem” uchun esa mavsum biroz murakkabroq kechmoqda. Safarda “Siti” ustidan g‘alaba, “Fulhem” bilan durang va “Bornmut”dan mag‘lubiyat. London jamoasida juda ko'p jarohatlar bor. Biroq, “shporlar” joriy mavsumda istalgan favoritni mag'lub etishlari mumkin.
"Atalanta" - "Milan"
Italiya chempionati turnir jadvali juda ham zich joylashgan. Oltita jamoani birinchilikdagi jamoa bilan bor-yo'g'i olti ochko ajratib turibdi. Biroq, bu "Milan"ga taalluqli emas. “Qizil-qoralar” “Atalanta”ga yutqazsa, chempionlikdan umid uzsa ham bo'ladi.
"Everton" - "Liverpul"
APL turnir jadvaliga nazar tashlaydigan bo'lsak, "Everton"ni mag'lub etish osondek tuyuladi. Lekin, hammasi bunchalik sodda emas. Birinchidan, jamoa beshta o‘yindan so‘ng oxirgi turda g‘alaba qozona oldi. “Vulverxempton” 4:0 hisobida mag'lub etildi. Ikkinchidan, klub bir necha yillardan beri chempionatda omon qolish uchun kurashmoqda. So'nggi uchrashuvlarda "Everton" hamshaharlariga imkoniyatni boy berishmagan.
"Napoli" - "Latsio"
Payshanba kuni “Latsio” Konte jamoasini ishonchli tarzda Italiya kubogidan chiqarib yubordi – 3:1. Endi “Napoli”da revansh olish imkoniyati bor. Jamoa birinchi o‘rinda qolish uchun ham g'alaba qozonishi kerak. Mazkur o‘yin chempionatda intrigani yanada kuchaytirishi mumkin. Shuningdek, neapolliklarda musobaqadagi o'rnini yanada mustahkamlash olishi uchun yaxshi imkoniyat bor.
"Jirona" – "Real Madrid"
"Barselona" o'z raqiblariga juda ko'p sovg'alar berdiki, ulardan foydalanmaslik uyat bo'lardi. Xo'sh, "Real Madrid" bundan qanday foydalana oladi? Ammo qoldirilgan o'yinni hisobga olsak, to'rt ochkolik farq hali ham amalda. Biroq, “Jirona” hozir yaxshi o'yin ko'rsatmoqda. Jamoa so‘nggi to‘rtta o‘yinda 10 ochko jamg‘ardi.
“Manchester Siti” — "Kristal Pelas"
“Manchester Siti” nihoyat jonlandi. Jamoa qator omadsizliklardan keyin, oxirgi turda “Nottingem Forest”ni mag‘lub etdi (3:0). "Kristal Pelas"ga qarshi o'yin yanada osonroq bo'lishi mumkin, chunki londonliklar Premyer-ligada o'z o'rnini saqlab qolish uchun kurashmoqda. Ammo jamoa mamlakat chempionlariga qaraganda kamroq gol o'tkazib yuborishgan. Gvardiolaga oson bo'lmasligi aniq.
