Gruziyadagi namoyishlarda 48 kishi hibsga olindi
Bu haqida mamlakat IIV xabar berdi.
Rasmiy maʼlumotlarga ko‘ra, qo‘lga olinganlar huquq-tartibot idoralarining “qonuniy buyrug‘iga bo‘ysunmagan” va “buzg‘unchilik harakatlari”ni sodir etgan.
"Gruziyaning Yevropa integratsiyasi to‘xtatilishiga qarshi to‘qqiz kundan beri o‘tkazib kelinayotgan norozilik namoyishlarida jami 400 dan ortiq odam hibsga olingan", deya xabar beradi Transparency International‘ning Gruziya bo‘limi.
Tashkilot maʼlumotlariga ko‘ra, 350 dan ortiq kishi maʼmuriy javobgarlikka tortilgan, yana 26 nafari jinoiy javobgarlikka tortilgan. 300 dan ortiq mahbus shafqatsiz muomala va qiynoqlarga duchor bo‘lgan, 80 nafari esa shifoxonada davolanishga muhtoj.
