Tramp Shols bilan Ukrainadagi vaziyatni muhokama qildi
Bu ularning Tramp prezidentligidagi ikkinchi muloqoti.
"Suhbat chog‘ida har ikki siyosatchi ham “Rossiyaning Ukrainaga qarshi urushi juda uzoq davom etmoqda, imkon qadar tezroq adolatli va barqaror tinchlik yo‘lidan borish muhim” degan fikrga kelishdi", — deya maʼlum qildi Germaniya hukumati vakili Shteffen Xebshtreyt.
Bu Olaf Sholsning Donald Tramp bilan uning AQSHdagi prezidentlik saylovida g‘alaba qozonganidan so‘ng ikkinchi telefon suhbati bo‘ldi.
"Shols Yevropa Ittifoqi yetakchilari sammitida ishtirok etish uchun Bryusselda bo‘lib turibdi. Bir kun oldin Germaniya kansleri va boshqa bir qator Yevropa davlatlari yetakchilari hamda tashqi ishlar vazirlari Ukraina prezidenti Volodimir Zelenskiy va NATO bosh kotibi Mark Ryutte bilan maxfiy muzokaralar o‘tkazgan edi", deya qayd etadi DPA.
