Andijonlik 73 yoshli erkak farzandidan aliment undirdi
U avval farzandi voyaga yetguncha aliment to‘lagan.
Oltinko‘l tumanida yashovchi 73 yoshli Q.M. birinchi ayoli bilan ajrashib ketgach, farzandi voyaga yetgunga qadar aliment to‘lagan. Hozirda esa pulga muhtojligi sabab, o‘zi bir vaqtlar aliment to‘lagan o‘g‘lidan aliment undirib berilishini so‘rab murojaat etgan.
Sudning ijro varaqasiga ko‘ra, o‘g‘il otaga har oyda 250 000 so‘m miqdorida aliment to‘lab borishi belgilangan. Ijro harakatlari davomida aliment pullari otaxonga oyma-oy undirib berilgan.
Hozirgi vaqtda o‘g‘il Rossiya davlatida o‘qiyotganligi sababli, xorijga chiqish cheklovlarini olib tashlash uchun otasiga oldindan aliment to‘lovlarini to‘lab berishini bildirgan. Otaning roziligiga asosan, 5 000 000 so‘m aliment pullari undirib berildi. Shundan so‘ng, undiruvchi Q.M. o‘z xohishiga ko‘ra, ijro hujjatini qaytarib olgan.
