Jahon banki O‘zbekistonga 3,5 mln dollar ajratdi
Ushbu mablag‘ evaziga quyosh elektr stansiyasi quriladi.
Jahon banki O‘zbekiston uchun bank kafolati ko‘rinishidagi 3,5 mln dollarlik moliyalashtirishni maʼqulladi.
Ushbu kafolat «O‘zbekiston milliy elektr tarmoqlari» AJ davlat kompaniyasining quvvati 100 MVt bo‘lgan yangi quyosh elektr stansiyasida ishlab chiqariladigan elektr energiyasini xarid qilish bo‘yicha to‘lov majburiyatlarini o‘z vaqtida bajarilishini taʼminlaydi. Xorazm viloyatidagi ushbu obyektni qurish va ekspluatatsiya qilish bilan Fransiyaning Voltalia kompaniyasi shug‘ullanadi.
Quyosh elektr stansiyasini 2025 yil noyabr oyida ishga tushirish rejalashtirilgan. U 177 gektar maydonda joylashgan bo‘lib, yiliga 240 gigavatt-soatdan ortiq qayta tiklanuvchi energiya ishlab chiqaradi.
