Moldova jamiyati demokratiyani himoya qila oldi — Maya Sandu
Kishinyovda ikkinchi muddatga Moldova prezidenti etib saylangan Maya Sanduning inauguratsiya marosimi bo‘lib o‘tdi.
"Men birinchi mandatim davomida fidoyilik bilan ishladim va bundan ham katta iroda va kuch bilan davom etaman", — dedi Sandu.
U o‘z nutqida, shuningdek, Moldova jamiyati so‘nggi yillardagi inqirozlar va qo‘shni Ukrainadagi urushga qaramay, mamlakatda tinchlikni saqlashga va o‘z demokratiyasini himoya qilishga muvaffaq bo‘lganini taʼkidladi.
Moldovada bo‘lib o‘tgan saylovlarning ikkinchi turi natijalariga ko‘ra, Maya Sandu rossiyaparast raqibi Aleksandr Stoyanoglodan ustun keldi. Saylovchilarning 55,4 foizi Sanduga ovoz berdi.
