Rodrigo APL jamoasining taklifini rad etdi
Madrid klubi ham braziliyalik vingerni qo‘yib yubormoqchi emas.
"Relevo" nashri xabariga ko‘ra, "Real" vingeri o‘tgan mavsum oxirida jamoadoshlari Vinisius Junior va Jude Bellinghem diqqat markazida bo‘lganidan norozi edi. Braziliyalikning hayotida shaxsiy muammolar ham paydo bo‘lgan.
Biroq, Rodrigo hech qachon Madrid jamoasini tark etishni istamagan va buni uning Angliya chempioni safiga qo‘shilishni rad etgani haqidagi ma’lumotlar ham tasdiqlaydi. Ta’kidlanishicha, "Manchester Siti" juda jozibador taklif bilan chiqqan, biroq 23 yoshli futbolchi buni rad etgan. U "Real"da o‘ynashni xohlaydi, lekin shu bilan birga ko‘proq e’tirofga sazovor bo‘lishni istaydi.
Madrid klubi ham braziliyalik vingerni qo‘yib yubormoqchi emasligi ta’kidlangan.
