Shahram G‘iyosov ayiq bilan mashg‘ulot o‘tkazdi
Holatni Ekologiya vazirligi qoraladi.
Ijtimoiy tarmoqlarda bokschi Shahram G‘iyosov ayiq bilan mashg‘ulot o‘tkazgani aks etgan video tarqaldi. Bu holat internet foydalanuvchilarining eʼtirozlariga sabab bo‘lgan.
Ayni damda Ekologiya, atrof-muhitni muhofaza qilish va iqlim o‘zgarishi vazirligi tomonidan holat o‘rganilmoqda.
“O‘rganish natijalariga ko‘ra batafsil maʼlumot beriladi va huquqbuzarlarga nisbatan qonuniy tartibda chora ko‘riladi.
Ekologiya vazirligi hayvonlarga nisbatan har qanday shafqatsiz munosabatni qoralaydi va bu kabi holatlar qonunga ko‘ra javobgarlikka sabab bo‘lishini yana bir bor eslatib o‘tadi”, deyiladi vazirlik xabarida.
