Navoiyda bog‘cha direktori YTHga uchrab vafot etdi
Mashinada 3 nafar bog‘cha mudirasi bo‘lgani aytilmoqda.
Joriy yilning 28 dekabr kuni soat Navoiy viloyati Zarafshon shahridagi 3-son davlat maktabgacha taʼlim muassasasi direktori G.G. avtohalokat sababli vafot etdi. Bu haqda viloyat Maktabgacha va maktab taʼlimi boshqarmasi Matbuot xizmati xabar berdi.
Ijtimoiy tarmoqlarda tarqalgan maʼlumotga ko‘ra, avtohalokatga uchragan mashinada bo‘lgan yana 3 bog‘cha mudirasi turli darajada tan jarohati olib, shifoxonaga yotqizilgan.
Xabarda aytilishicha, mudiralar va direktor Navoiy viloyati MTTB topshirig‘i asosida Zarafshon shahridan Navoiy shahriga yil yakuniga bag‘ishlangan bayram tadbiriga ketayotgan bo‘lgan.
Holat yuzasidan viloyat Maktabgacha va maktab taʼlimi boshqarmasi Matbuot xizmati ushbu tarqalgan xabarlarga munosabat bildirdi.
Unga ko‘ra, shu yilning 28 dekabr kuni viloyat markazida Maktabgacha va maktab taʼlimi boshqarmasining 2024 yil yakunlari bo‘yiga bag‘ishlangan tadbiri o‘tkazilishi rejalantirilgan bo‘lgan.
Ushbu tadbirda rahbar kadrlarni yuqori natijaga erishgan pedagog xodimlarni qo‘llab-quvvatlash maqsadida rag‘batlantirish nazarda tutilgan edi. Rag‘batlantiruvchi rahbar kadrlar orasida 79 yoshli marhuma G.G. ham bo‘lgan.
Biroq, bog‘cha mudirasi G.G. yo‘lda avtohalokatga uchrab, vafot etgani sababli tadbir qoldirilgan.
