Chernogoriyadagi barda otishma yuz berdi
Oqibatda kamida 10 kishi halok bo‘ldi.
"Chernogoriyaning Setine shahrida bir kishi barda o‘t ochgan, so‘ng ko‘chaga chiqib, o‘tkinchilarga qarata o‘q uzgan. Oqibatda kamida 10 kishi, jumladan, ikki bola halok bo‘ldi. Yana bir necha kishi yaralangan", — deya maʼlum qildi mamlakat Ichki ishlar vaziri Danilo Sharanovich.
"Maʼlumotlariga ko‘ra, otishma oldidan barda mushtlashuv bo‘lgan. Politsiyaning taxmin qlishicha, otishmaga oddiy maishiy mojaro sabab bo‘lgan", deb xabar beradi DPA agentligi.
Chernogoriya hukumati favqulodda yig‘ilish o‘tkazib, 2, 3 va 4 yanvar kunlarini mamlakatda motam deb eʼlon qilishga qaror qildi.
"Setineda otishma sodir etgan 45 yoshli erkak politsiya tomonidan qo‘lga olinish chog‘ida o‘ziga to‘pponchadan o‘q uzgan va olgan jarohatlari oqibatida vafot etdi", — dedi Chernogoriya Ichki ishlar vaziri RTSG telekanaliga.
