Samarqanddagi novvoyxonada 1,3 mlrdlik gaz o‘g‘irlandi
Novvoyxona tabiiy gazdan yashirincha foydalanib kelgan.
Samarqand viloyatining Toyloq tumanidagi novvoyxonada 1,329 milliard so‘m miqdoridagi gaz talon-toroj qilindi. Bu haqida “Hududgaztaʼminot” matbuot xizmati xabar berdi.
Maʼlum qilinishicha, reyd jarayonida Samarqand viloyati Toyloq tumani “Qo‘rg‘oncha” MFYda joylashgan “S. Sh.” oilaviy korxonasida tabiiy gazdan noqonuniy foydalanish holati aniqlangan. Novvoyxona egalari yashirin yo‘l bilan tabiiy gaz tarmog‘iga ulanib, tabiiy gazdan noqonuniy foydalanib kelgan. Holat bo‘yicha dalolatnoma tuzilib, tabiiy gaz hajmi qayta hisob-kitob qilingan va yetkazilgan zarar 1,329 milliard so‘m miqdorida hisoblangan.
Qayd etilishicha, barcha daliliy ashyo va hujjatlar huquq-tartibot organlariga topshirilgan.
