Chet tilini biladigan xodimlarga ustama berish to‘xtatildi
Ushbu tartib 2022 yilda boshlangandi.
2025 yil 1 yanvardan boshlab xorijiy tillardan milliy va xalqaro sertifikatga ega davlat boshqaruv idoralarining barcha bo‘g‘inlari xodimlariga qo‘shimcha ustama to‘lash to‘xtatildi. Bu haqida “2025 yil uchun O‘zbekiston Respublikasining Davlat byudjeti to‘g‘risida”gi Prezident qarorida keltirilgan.
Chet tilni biladigan davlat xizmatchilariga ustama to‘lash 2022 yil 1 yanvardan boshlangan edi. Ustama miqdori xodimning lavozim maoshiga nisbatan 20 foizgacha deb belgilangan edi (tashkilotlarning byudjetdan tashqari hamda ish haqi fondi doirasida byudjet mablag‘lari hisobidan). Oradan 2 yil o‘tib, bu tartib bekor qilindi.
Avvalroq 2025 yil 1 yanvardan boshlab umumiy o‘rta taʼlim muassasalarida dars beruvchi ona tili va adabiyoti hamda tarix fani o‘qituvchilariga 50 foiz miqdorida har oylik qo‘shimcha ustama to‘lanishi xabar qilingandi.
