Toshkentda IIB xodimi va fuqaro janjallashdi
Holat yuzasidan shahar IIBB maʼlumot berdi.
Ijtimoiy tarmoqda Toshkentda fuqaro va IIB xodimi o‘rtasida janjal yuzaga kelgani aytilgan video tarqalmoqda. Holat yuzasidan shahar IIBB rasmiy munosabat bildirdi.
Qayd etilishicha, videodagi holat Toshkent shahar IIBB rahbariyati tomonidan nazoratga olingan. Hodisa joyida shahar IIBB boshlig‘ining o‘rinbosari polkovnik A.Choriev hamda Chilonzor tumani IIO FMB boshlig‘i podpolkovnik N.Haydarovlar o‘rganish ishlarini olib bormoqdalar.
“Xodimning harakatiga baho berish uchun Toshkent shahar IIBB tomonidan xizmat tekshiruvi tayinlangan bo‘lib, natijasi bo‘yicha qonuniy chora ko‘rilishi taʼminlanadi”, deyiladi xabarda.
