Rossiya nefti ortilgan tanker Germaniya qirg‘oqlari yaqinida suzib yuribdi
Uning bortida 99 ming tonnaga yaqin neft mavjud.
Boshqaruvni yo‘qotgan Rossiya nefti yuklangan tanker Boltiq dengizidagi Ryugen orolining shimolida suzib yuribdi. Voqea joyida ish olib borayotgan Dengiz avariya-qutqaruv xizmatining ma’lumotlariga ko‘ra, tanker bortida 99 ming tonnaga yaqin neft mavjud. Bu haqida "Bild" nashri xabar bermoqda.
Unda aytilishicha, gap Panama bayrog‘i ostida suzayotgan "Eventin" tankeri haqida ketmoqda. 248 metr uzunlikdagi kema Rossiyaning Ust-Luga portida neft yuklagan va 6 yanvar kuni yo‘lga chiqqan. Oxirgi manzil sifatida Misrdagi Port-Said ko‘rsatilgan.
"Eventin" tankeri 18 yoshda va u Rossiyaning soya floti deb ataladigan qismiga kiradi. Rossiya bu flot yordamida Ukrainadagi urush tufayli kiritilgan Gʻarb sanksiyalarini chetlab o‘tmoqda," - deb ta’kidlagan nashr.
