Toshkent metrosida yana nosozlik kuzatildi
Holat yuzasidan rasmiy maʼlumot berildi.

Bugun, 15 yanvar kuni soat 12:30 lar atrofida “Mashinasozlar” bekati platformasiga kirish qismida 38-sonli harakat tarkibida texnik nosozlik holati aniqlangan. Shu boisdan ushbu poyezd mashinist tomonidan harakat hamda yo‘lovchilar xavfsizligini taʼminlash maqsadida harakatdan to‘xtatilgan.
Belgilangan yo‘riqnomaga asosan, elektropoyezd mashinisti tomonidan tezkor ko‘rilgan chora-tadbirlar natijasida harakat tarkibidagi nosozlik 3 daqiqa ichida bararaf etilgan va yo‘nalishdagi vaqt intervaliga taʼsir qilmagan holda harakat tarkibi faoliyati qayta tiklangan.
“Hozirgi vaqtda yo‘nalishdagi poyezdlar belgilangan jadval asosida harakatlanmoqda. Keltirilgan noqulaylik yuzasidan uzr so‘raymiz”, deyiladi xabarda.







