“Chorsu” bozorida sifatsiz go‘sht sotilyaptimi?
Tarmoqda tarqalgan xabarlarga izoh berildi.
Ijtimoiy tarmoqda Toshkent shahridagi “Chorsu” bozorida sifatsiz go‘sht sotilayotgani aytilgan xabarlar tarqalmoqda. Holat yuzasidan Sanepidqo‘mita Toshkent shahar boshqarmasi rasmiy munosabat bildirdi.
Qayd etilishicha, Chorsu dehqon bozorida ham doimiy faoliyat yurituvchi laboratoriyalar mavjud bo‘lib, bu yerda go‘sht mahsulotlarining veterinariya-sanitariya ekspertizasi amalga oshiriladi.
Shayxontohur tuman bo‘limi mutaxassislari, IIB va bozor maʼmuriyati bilan o‘rganish davomida fuqarolarga ajratilgan yo‘lakda sanitariya qoidalariga zid ravishda, hech qanday hujjatsiz go‘sht mahsuloti (jigar) sotilayotgani maʼlum bo‘lgan.
“Shu sababli 9 kg jigar mahsuloti savdodan olinib, o‘rnatilgan tartibda yo‘q qilish choralari ko‘rildi”,- deyiladi xabarda.
