Tramp Baydenning 78 qarorini bekor qildi
Shuningdek, u federal idoralarga yangi qoidalar chiqarishni taqiqladi.
AQSH prezidenti Donald Tramp Jo Bayden davrida qabul qilingan 78 ta qarorni bekor qilish to‘g‘risidagi farmonni imzoladi. Bu haqida u inauguratsiyadan keyin Vashingtonda bo‘lib o‘tgan mitingida eʼlon qildi.
“Prezident Tramp imzolagan birinchi hujjat Bayden davridagi 78 ta qarorni bekor qilishdir”, deyiladi bayonotda.
Prezident, shuningdek, federal idoralarga yangi maʼmuriyat hukumat ishini to‘liq nazoratga olmaguncha yangi qoidalar chiqarishni taqiqlab, tartibga soluvchi moratoriyni joriy qildi.
Yana bir farmonida barcha federal xodimlarni ofis ishlariga to‘liq ish vaqtiga zudlik bilan qaytishni talab qildi.
Eslatib o'tamiz, 20 yanvar kuni Tramp Kapitoliyda inauguratsiya marosimida qasamyod qabul qilib, AQSH prezidenti lavozimiga rasman kirishdi.
