8 yoshli qizga nisbatan uyatsiz harakatlar sodir etildi: jinoyat ishi qo‘zg‘atildi
Holat Ijtimoiy himoya milliy agentligi nazoratiga ham olingan.
Buxoro viloyatining Qorako‘l tumanida 8 yoshli qizga nisbatan uyatsiz-buzuq harakatlar sodir etilgani yuzasidan jinoyat ishi qo‘zg‘atildi. Hozirda holat bo‘yicha tergov harakatlari olib borilmoqda. Bu haqda Ijtimoiy himoya milliy agentligi xabar berdi.
Ma’lum qilinishicha, hodisa 2026-yil 23-oktyabr kuni Qorako‘l tumani hududida sodir bo‘lgan. Fuqaro SH.R. voyaga yetmagan qizga nisbatan uyatsiz-buzuq harakatlar qilgan.
Mazkur holat yuzasidan tuman prokuraturasi tomonidan Jinoyat kodeksining 129-moddasi 3-qismi bilan jinoyat ishi qo‘zg‘atilgan. Ushbu modda 16 yoshga to‘lmagan shaxsga nisbatan zo‘rlik ishlatib yoki qo‘rqitib uyatsiz-buzuq harakatlar sodir etganlik uchun javobgarlikni nazarda tutadi.
Hozirda tuman prokuraturasi tomonidan tergov harakatlari olib borilmoqda. Jarayon prokuratura nazoratiga olingan.
Shuningdek, Qorako‘l tumanidagi “Inson” ijtimoiy xizmatlar markazi tomonidan qizning holati o‘rganilib, unga zarur ijtimoiy va psixologik yordam ko‘rsatish choralari ko‘rilmoqda. Holat Ijtimoiy himoya milliy agentligi nazoratiga ham olingan.
