Oqqo‘rg‘onda eri kaltaklagan ayol vafot etdi
Holat yuzasidan IIBB rasmiy munosabat bildirdi.
Avvalroq Toshkent viloyati Oqqo‘rg‘on tumanida turmush o‘rtog‘ini kaltaklagan 37 yoshli erkak IIO tomonidan protsessual tartibda ushlangani, holat yuzasidan jinoyat ishi qo‘zg‘atilgani va ayol tibbiy muolaja olayotgani haqida xabar berilgandi.
Viloyat IIBB xabariga ko‘ra, kecha, 24 yanvar kuni 23 yoshli ayol ko‘rsatilgan tibbiy muolajalarga qaramay shifoxonada vafot etgan.
Shuningdek, mazkur holat jabrlanuvchining o‘limiga olib kelgani sababli qo‘zg‘atilgan jinoyat ishi O‘zbekiston Respublikasi JKning 126(1)-moddasi 8-qismi «g» bandiga qayta malakalanib, tergov harakatlari davom etmoqda.
