Rossiya droni Kamishevaxada qutqaruvchilarga hujum qildi: Zelenskiy buni shafqatsizlik deb atadi
Dron Zaporojjya viloyatida 55 kishi halok bo‘lgan aviazarba oqibatlarini bartaraf etayotgan qutqaruvchilarga hujum qildi.
Rossiya qo‘shinlari Zaporoje viloyatining Komishuvaxa qishlog‘ida aviazarba oqibatlarini bartaraf etayotgan qutqaruvchilarga FPV-dron orqali hujum qildi. Hodisa 8-noyabr kuni ertalab sodir bo‘lgan.
Ukraina Favqulodda vaziyatlar davlat xizmati ma’lumotiga ko‘ra, hujum oqibatida xodimlar jabrlanmagan, biroq maxsus qutqaruv texnikasi shikastlangan.
Prezident Volodimir Zelenskiyning bildirishicha, Kamishevaxada aviabombalar zarbasidan keyin yettinchi kundirki, qutqaruv ishlari davom etmoqda. Mazkur hujum oqibatida 55 kishi halok bo‘lgan, vayronalar ostida hali ham odamlar qolgan bo‘lishi mumkin.
Zelenskiy qutqaruvchilarga qilingan hujumni “mutlaq kinizm va shafqatsizlik” deb atadi.
