Toshkentda ona va bola pichoqlab ketildi
Hozirda ulardan biri reanimatsiyada.
Maʼlum qilinishicha, Toshkentdagi shifoxonalardan biriga 31 yoshli ayol va uning 12 yoshli farzandi pichoqlangan holda og‘ir ahvolda olib kelingan.
Shifokorning so‘zlariga ko‘ra, bemorlarning bosh qismi sanchilib kesilgan jarohatlar bilan og‘ir ahvolda bo‘lgan. Shuningdek, bemorlarning ko‘krak qafasi va yelkalarida sanchilib kesilgan jarohatlar aniqlangan. Shifokorlar tomonidan bir vaqtning o‘zida og‘ir ahvoldagi o‘g‘il hamda uning pichoqlangan onasi jarrohlik amaliyotiga olingan.
Maʼlumotga ko‘ra, bemor uyda yaqin qarindoshi tomonidan orqa tomonidan kesilgan jarohatlar olgan va qo‘shnisi tomonidan shoshilinch markaziga olib kelingan.
"Operatsiya amaliyoti boshlandi. Onaning ahvoli qoniqarli deb baholanmoqda, uning o‘g‘lining holati esa hozirda og‘ir ahvolda bo‘lib, jonlantirish bo‘limida kerakli intensiv davolash muolajalarini olyapti", - deydi shifokor.
Bosh prokuratura matbuot kotibi Hayot Shamsutdinovning xabariga ko‘ra, ona va bolani pichoqlagan shaxsga nisbatan Jinoyat kodeksining 25, 97-moddasi (qasddan odam o‘ldirishga suiqasd qilish) bilan jinoyat ishi qo‘zg‘atilgan.
