Germaniyada Usmonovning villasi sotuvga qo‘yildi
Bu eng qimmat xususiy ko‘chmas mulk bitimi bo‘lishi mumkin.
Germaniyaning Bavariya federal yeri hududida, Alp tog‘lari etagidagi Tegernzee ko‘li bo‘yida joylashgan va rus oligarxi Alisher Usmonov uzoq vaqt yashagan villa rekord narxga – 25 million yevroga savdoga qo‘yildi. Bu Germaniya tarixidagi eng qimmat xususiy ko‘chmas mulk bitimi bo‘lishi mumkin.
Savdo offshor kompaniya Tegernsee (IOM) Limitedning qarzlarini qoplash maqsadida amalga oshirilmoqda. Ushbu kompaniya 2011 yilda villani 7,2 million yevroga xarid qilgan edi. Ammo sud qaroriga ko‘ra, kompaniya hozir moliyaviy qiyinchiliklarga duch kelgan va uning aktivlari asosan ko‘chmas mulkdan iborat bo‘lgani uchun qarzlarni to‘lash imkoni bo‘lmagan.
Villani savdoga chiqarish huquqi Bavariyaning Volfraxtshauzen shahar sudi tomonidan arbitraj boshqaruvchisi Ulrix Kramerga (Ulrich Sramer) berilgan. U kompaniyaning kreditorlari daʼvolarini qondirish uchun ushbu mulkni sotish majburiyatini olgan.
Bu villa Germaniyada ko‘chmas mulkni sotish bo‘yicha eng yirik Immovelt agregator saytida tarixdagi eng qimmat uy sifatida qayd etildi. Mazkur internet-portali 1996 yildan beri faoliyat yuritib kelmoqda va ilgari bunday katta narxdagi xususiy mulk savdosi kuzatilmagan.
Komila Odilova tayyorladi
