Toshkent viloyatida kanaldan ayol jasadi topildi
Hozirda o‘lim sababini aniqlash maqsadida ekspertiza tayinlangan.
Ijtimoiy tarmoqda joriy yilning 1 fevral kuni Toshkentda 41 yoshli ayol qaytib kelmagani, oradan 5 kun o‘tib Toshkent viloyatidagi kanaldan uning jasadi topilgani aytilgan xabar tarqaldi. Holat yuzasidan rasmiy maʼlumot berildi.
Qayd etilishicha, joriy yilning 6 fevral kuni soat 16:00 atrofida Toshkent viloyati Zangiota tumani Navro‘z ko‘chasidan o‘tayotgan “Salar” kanalidan shaxsi nomaʼlum murda topilgan. Tezkor surishtiruv davomida ushbu murda D.A. ekanligi aniqlangan.
O‘lim sababini aniqlash maqsadida sud tibbiyot ekspertizasi tayinlangan. Tekshirish xarakatlari olib borilmokda.
