Aktyor Xusan Musaboyev vafot etdi
Ijodkor 71 yoshda edi.
Bugun O‘zbekiston Kinoarboblari ijodiy uyushmasi aʼzosi, “Do‘stlik” ordeni sohibi, elimiz suygan aktyor Xusan Musaboyev 71 yoshida bu yorug‘ olamni tark etdi.
O‘zbekiston Kinoarboblari ijodiy uyushmasi marhumning yaqinlari, oila aʼzolari va butun sanʼat ahliga chuqur taʼziya izhor qildi.
Maʼlumot uchun, Xusan Musaboyev “Ajoyib hayolparast”, “Bozor ko‘rmagan yigit”, “Anora”, “Hayot mamot”, “Men bu men”, “O‘g‘rigina kelin”, “Er bermoq – jon bermoq”, “Jiblajibon”, “Aldamadim, hazillashdim”, “Ana xolos!”, “Super xizmatkor”, “Yasha, xotin!” kabi ko‘plab filmlardagi o‘ziga xos rollari bilan tomoshabin mehrini qozongan.
