Endi ekofaol oilalarga mashina berilishi mumkin
Bu bo‘yicha Prezident farmoni qabul qilindi.
Prezidentning “O‘zbekiston – 2030” strategiyasini “Atrof-muhitni asrash va “yashil iqtisodiyot” yilida amalga oshirishga oid davlat dasturi to‘g‘risidagi farmoni tasdiqlandi.
Unga ko‘ra, agar siz ekologik tamoyillarni kundalik hayotingizda qo‘llab-quvvatlasangiz, “ekofaol fuqaro” maqomini olishingiz mumkin. Bu maqom sizga quyidagi imtiyozlarni taqdim etadi:
— Davlat xizmatlaridan foydalanishda 10 foiz chegirma
— Davlat ulushi 50 foizdan yuqori bo‘lgan banklarda isteʼmol kreditiga chegirma.
Oilaning barcha voyaga yetgan aʼzolari “ekofaol fuqaro” maqomini olsa, “Yashil oila” maqomini oladi. Bu oilalar orasida ochiq tanlov orqali har yili 14 ta elektromobil uchun tanlov o‘tkaziladi.
2025 yil oxiriga qadar sifatli va ekologik toza yoqilg‘iga o‘tish rejalashtirilgan. Shu sababli AI-80 yoqilg‘isini sotish va ishlatish cheklanadi.
2026 yil 1 yanvardan g‘isht ishlab chiqarishda yer qaʼridan foydalanganlik uchun soliq 2 baravar oshiriladi va 2027 yildan yana bosqichma-bosqich ko‘tariladi.
2025 yil 1 oktyabrdan davlat xizmatlarida qog‘oz hujjatlar to‘liq elektron shaklga o‘tkaziladi.
