Qashqadaryodagi zapravkada Spark yonib ketdi
Viloyat FVB hodisa tafsilotlarini maʼlum qildi.
Qayd etilishicha, bugun soat 08.00 larda Koson tumani Favqulodda vaziyatlar bo‘limiga avtomobil yonayotganligi yuzasidan xabar kelib tushgan.
Xabarga ko‘ra, voqea joyiga 1 ta yong‘in-qutqaruv bo‘linmasi soat 08.15 da yetib borib, yong‘inni 08.22 da to‘liq o‘chirgan.
Aniqlanishicha, Koson tumani hududida joylashgan avtomobillarga yonilg‘i quyish shoxobchasida to‘xtab turgan oq rangli Spark rusumli avtomobilning old qismi yongan.
Yong‘indan hech kim tan jarohati olmagan hozirda yong‘in sababi va zarari aniqlanmoqda.
