Sirdaryoda xodimlar bank pullarini qimorga tikib yubordi
Bu bo‘yicha bir nechta mansabdor javobgarlikka tortilgan.
Sirdaryo viloyatida bank xizmatlari ofisi boshlig‘i va kassiri jinoiy javobgarlikka tortildi. Ularning bank mablag‘larini noqonuniy ravishda o‘zlashtirib, 1XBET onlayn qimor platformasiga tikib yuborganliklari aniqlandi
Sud hujjatlariga ko‘ra, ayblanuvchilar O‘zbekiston Respublikasi Jinoyat kodeksining 167-moddasi va 228-moddasi bo‘yicha aybdor deb topilgan. Ular bankning bir necha milliard so‘m mablag‘larini o‘z manfaatlari uchun ishlatganlikda ayblangan.
Sud ularga bir necha yil muddatga mansabdorlik va moliyaviy masʼuliyatli lavozimlarda ishlash huquqidan mahrum qilish, shuningdek, ozodlikdan mahrum qilish va iqtisodiy jazolarni tayinladi. Shuningdek, ular tomonidan noqonuniy ravishda tikilgan mablag‘larni davlat foydasiga undirish haqida qaror qabul qilindi.
