Toshkentda ishlab chiqarish korxonasida yong'in chiqdi
Ayni vaqtda yong‘in sababi va moddiy zarari aniqlanmoqda.
Bugun, 13 fevral kuni Toshkent shahar Olmazor tumanida joylashgan ishlab chiqarish korxonalarining birida yong‘in sodir bo‘ldi. Ma’lum qilinishicha, bugun soat 14:38 da Olmazor tumani, Usta Shirin berk ko‘chasida joylashgan ishlab chiqarish korxonalarining birida yong‘in bo‘layotganligi to‘g‘risida Toshkent shahar FVBga xabar kelib tushgan.
“Yong‘in qutqaruv ekipajlari aytilgan manzilga soat 14:42 da yetib borib, yong‘in soat 14:46 da qurshab olinib, soat 14:50 da o‘chirildi”, - deyiladi xabarda.
Qayd etilishicha, yong‘in oqibatida tan jarohati olgan va vafot etgan fuqarolar yo‘q. Ayni vaqtda yong‘in sababi va moddiy zarari aniqlanmoqda.
