Endi kambag‘al oila farzandlariga taʼlim krediti foizsiz beriladi
Bu haqida Prezident boshchiligidagi yig‘ilishda aytib o‘tildi.
Qayd etilishicha, dunyoning nufuzli “top-100” oliygohlarida ilmiy daraja olgan 35 yoshgacha bo‘lgan yosh olimlarga uy-joy uchun 10 yil muddatga 800 million so‘mgacha foizsiz ssuda ajratiladi.
Endilikda kambag‘al oilaning farzandiga taʼlim krediti foizsiz beriladi, qo‘shimcha grant ajratiladi, kontrakt to‘lovining bir qismi qoplab beriladi.
Xorijda taʼlim olib qaytgan yoshlar Milliy kadrlar zaxirasiga to‘g‘ridan-to‘g‘ri kiritiladi, ular davlat organlariga tanlovsiz ishga olinadi.
Yangi tizim – “Yorqin isteʼdod” loyihasi joriy etiladi. Har yili saralashdan o‘tgan 1 ming nafar yoshlar dunyoning “top-100” oliygohlariga yuborilib, o‘qish va yashash xarajatlari qoplab beriladi.
