Toshkentda o‘quvchi qizga shilqimlik qilgan yigit qamaldi
Sud unga 5 sutka maʼmuriy qamoq tayinlagan.
Maʼlum qilinishicha, 1999 yilda tug‘ilgan J.U. joriy yilning 12 fevral soat 16:00 atrofida Yangihayot tumani Yo‘ldosh-1 mavzesida o‘z avtomashinasida voyaga yetmagan R.S. ga shahvoniy shilqimlik qilgan.
Holat yuzasidan sud ishi JIB Yangihayot tumani sudida ko‘rib chiqildi.
Sudda sudlanuvchi J.U. aybiga iqrorlik bildirib, avtomashinasiga voyaga yetmagan R.S.ni chaqirib, unga uyatli harakatlar qilganligini, hozirda qilgan qilmishlaridan pushaymonda ekanligini, boshqa bunday huquqbuzarlik sodir qilmasligini bildirib ko‘rsatma bergan.
Sud hukmiga ko‘ra, sudlanuvchi MJtKning 41-1-moddasida nazarda tutilgan huquqbuzarlikni sodir qilgan deb topilib, unga nisbatan 5 sutka maʼmuriy qamoq jazosi tayinlandi.
