Malida oltin koni qulab tushib, 48 kishi halok bo‘ldi
Qurbonlar orasida ayollar va bolalar ham bor.
Mali g‘arbidagi Kenyeba shahri yaqinida joylashgan noqonuniy oltin konida shaxta qulashi oqibatida kamida 48 kishi halok bo‘ldi. Qurbonlar orasida ayollar va bolalar ham bor.
Hodisa konning ilgari Xitoy kompaniyasi tomonidan boshqarilgan, ammo keyinchalik tashlandiq qolgan hududida yuz bergan. Qidiruv-qutqaruv ishlari davom etayotgan bo‘lib, halok bo‘lganlar soni ortishi mumkin.
Mali Afrikaning yetakchi oltin ishlab chiqaruvchilaridan biri hisoblanadi, ammo mamlakatda noqonuniy qazib olish keng tarqalgan. Bu esa ko‘p hollarda shaxtalar qulashiga va ko‘plab insonlarning halok bo‘lishiga sabab bo‘lmoqda.
Bundan bir yil oldin xuddi shu hududdagi konlardan birida tunnel qulab tushgan va 70 dan ortiq kishi hayotdan ko‘z yumgan edi. Mutaxassislar noqonuniy konchilik bilan bog‘liq xavfsizlik choralarining yetishmasligi tufayli bunday fojialar takrorlanib turishini ta’kidlamoqda.
