Toshkentda erkak do‘kondan ayollar oyoq kiyimini o‘g‘irladi
U 2 oy davomida 275 juft poyabzalni olib chiqib ketgan.
Chilonzor tumani IIO FMBga kelib tushgan xabarga ko‘ra, joriy yilning yanvar-fevral oylarida nomaʼlum shaxs yirik savdo majmuasi omboridan 55 mln so‘mlik 275 juft ayollar poyabzalini o‘g‘irlab ketgan.
Ko‘rilgan chora-tadbirlar natijasida, ushbu jinoyatni sodir etishda gumon qilingan 1990 yilda tug‘ilgan N.O. aniqlanib, qo‘lga olingan. Mazkur holat yuzasidan O‘zbekiston Respublikasi Jinoyat kodeksining 169-moddasi (“O‘g‘rilik”) bilan jinoyat ishi qo‘zg‘atilgan.
Tergov davom etmoqda. Gumonlanuvchiga nisbatan qamoqqa olish tarzidagi ehtiyot chorasi qo‘llangan.
