Xitoyda bolalar nomaʼlum kasallik sabab ko‘r bo‘lib qolmoqda
Kasallikning ilk belgisi yuqori isitma ekani aniqlangan.
Kasallik suyuq o‘ta o‘tkir tashqi to‘r parda disfunksiyasi (HORD) deb nomlanib, bolalarda yuqori isitmadan bir-ikki hafta o‘tib paydo bo‘ladi va ko‘rish qobiliyatining keskin yo‘qolishiga olib keladi.
Tadqiqotchilar mazkur kasallikni chuqur o‘rganish uchun 3 yoshdan 7 yoshgacha bo‘lgan sakkiz nafar bolaning holatini kuzatib bordilar. Ularning barchasi avval yuqori harorat bilan og‘rigan bo‘lib, oradan bir necha hafta o‘tib ko‘z bilan bog‘liq muammolar yuzaga kelgan.
Tadqiqotchilar tomonidan o‘tkazilgan uzoq muddatli kuzatuvlarga ko‘ra, 88 foiz bemorlarda ko‘rish o‘tkirligi 20/40 darajaga yetgan — bu odamga olti metr masofadan matn o‘qishga imkon beradi.
50 foiz bolalarda esa ko‘rish 20/25 darajaga qaytgan, bu esa haydovchilik guvohnomasini olish uchun yetarli daraja hisoblanadi.
Xitoylik olimlar mazkur sindromni avtoimmun ensefalit bilan bog‘lashmoqda. Ularning taxminiga ko‘ra, organizmning immun tizimi noto‘g‘ri ishlash natijasida ko‘zning to‘r pardasiga hujum qiladi va uni shikastlaydi. Bunday holat organizmning o‘z to‘qimalariga qarshi antijismlar ishlab chiqarishi bilan bog‘liq bo‘lishi mumkin.
