Yaponiyada 5 metr qalinlikda qor yog‘di
Noqulay ob-havo sabab vafot etganlar bor.
Dushanba kuni ertalab soat 5 holatiga ko‘ra, Aomori prefekturasining Sukayu tumanida qor qalinligi 5,01 metrga, Niigata prefekturasining Uonuma shahrida 3,84 metrga, Yamagata prefekturasining Okura qishlog‘ida 3,32 metrga va Fukui prefekturasining Ono shahrida esa 1,24 metrga yetdi.
Noqulay ob-havo oqibatida 20 dan ortiq kishi halok bo‘ldi. Xonsyu orolining g‘arbiy qirg‘og‘ida qor qoplamining balandligi 4 metrga yetdi. Mamlakatning bir qator hududlarida yog‘ingarchilik miqdori meʼyordan ortib ketdi.
Odatda juda kam yog‘adigan hududlarda, xususan, Kinki mintaqasining markaziy qismida va Sikoku mintaqasining pastqam joylarida kuchli qor yog‘ishini kutish mumkin.
Prognozga ko‘ra, seshanba kuni ertalabgacha 24 soat ichida Niigata prefekturasi, shuningdek, Xokuriku va Tyugoku hududlarida 30 santimetrgacha qor yog‘ishi mumkin.
Ob-havo boshqarmasi vakillari aholini transportda uzilishlar bo‘lishi, qor ko‘chishi, elektr taʼminoti to‘xtashi va to‘planib qolgan qor tufayli daraxtlar qulashi kabi holatlarga tayyor turishga chaqirmoqda.
