Toshkentdagi bog‘chada ovqat yemagan bola stulga skotchlab qo‘yildi
Holat yuzasidan shahar MMTB rasmiy mubosabat bildirdi.
Ijtimoiy tarmoqlarda Toshkent shahar Yunusobod tumanidagi xususiy bog‘chalardan birida bolalarni ovqat emagani uchun skotchlashgani aks etgan video tarqaldi. Holat yuzasidan shahar Maktabgacha va maktab taʼlimi boshqarmasi rasmiy munosabat bildirdi.
Qayd etilishicha, 21 fevral kuni Yunusobod tumanidagi xususiy maktabgacha taʼlim tashkilotida tarbiyachi S.A. va yordamchisi X.M. bolalardan birini ovqat yemagani uchun stulga skotchlagani aniqlangan.
Tashkilot maʼmuriyati tarbiyachi S.A., yordamchisi X.M. lar bilan tuzilgan mehnat shartnomalarini bekor qilgan va ular ishdan bo‘shatilgan.
Ayni paytda yuqoridagi holat yuzasidan tuman prokuraturasi tomonidan surishtiruv-o‘rganish ishlari olib borilmoqda.
