Endi barcha maktab bitiruvchilari davlat tilidan imtihon topshiradi
Ta’lim tili o‘zbek bo‘lmagan sinflar uchun ham ona tilidan imtihon joriy etildi.
Maktabgacha va maktab ta’limi vazirining 2025-yil 20-fevraldagi 65-sonli buyrug‘i asosida umumiy o‘rta ta’lim muassasalarida yakuniy davlat attestatsiyasi o‘tkazish tartibi belgilandi. Ushbu hujjatga ko‘ra, imtihon topshiriladigan fanlar ro‘yxati va baholash mezonlari tasdiqlandi.
Asosiy o‘zgarishlardan biri – ta’lim tili o‘zbek bo‘lmagan sinflarning bitiruvchilari endi davlat tilidan imtihon topshirishlari majburiy bo‘ladi.
9-sinf o‘quvchilari uchun imtihonlar:
- Ona tili va adabiyoti (o‘zbek sinflari) – yozma;
- Davlat tili (ta’lim tili o‘zbek bo‘lmagan sinflar) – yozma;
- Matematika – yozma;
- O‘zbekiston tarixi – yozma/og‘zaki;
- Jismoniy tarbiya – amaliy.
11-sinf o‘quvchilari uchun imtihonlar:
- Ona tili va adabiyoti (o‘zbek sinflari) – yozma;
- Davlat tili (ta’lim tili o‘zbek bo‘lmagan sinflar) – yozma;
- Matematika (asosiy yoki chuqurlashtirilgan) – yozma;
- Tarix – yozma.
O‘quvchining tanloviga ko‘ra:
- Ona tili va adabiyoti (qoraqalpoq, rus, qozoq, turkman, tojik, qirg‘iz tillarida ta’lim olganlar uchun), Biologiya, Fizika, Kimyo, Davlat huquq asoslari, Geografiya – yozma;
- Chet tili – yozma/og‘zaki.
2025-yildan boshlab o‘zbek tilida ta’lim olmagan maktab bitiruvchilari uchun davlat tilidan imtihon topshirish majburiy etib belgilandi.
Qo‘shimcha ma’lumotlar vazirlikning ijtimoiy tarmoqlari orqali e’lon qilinadi.
