Navoiyda 8-sinf o‘quvchisi farzandli bo‘ldi
Hozirda holatni prokuratura o‘rganmoqda.
Navoiy viloyatining Karmana tumanidagi 15-maktab o‘quvchisi farzand ko‘rdi.
Qayd etilishicha, tumandagi 15-umumtaʼlim maktabining 8-sinfida o‘qiydigan o‘quvchi farzandli bo‘lgan. Buni Karmana tumani maktabgacha va maktab taʼlimi bo‘limi mudiri Sarvar Ochilov ham tasdiqladi.
Sarvar Ochilovga ko‘ra, hozirda holat prokuratura tomonidan o‘rganilmoqda. Maktab direktori Yulduz O‘roqovaning ishda qolish-qolmaslik masalasi ko‘rib chiqiladi.
Qo‘shimcha qilinishicha, maktab direktori topshirig‘iga asosan ona bo‘lgan o‘quvchi garchi maktabga kelmasa-da, unga ayrim fanlardan baho qo‘yib borilgan.
