G‘azoni tiklash bo‘yicha yangi reja taklif qilindi
Falastinda bir yil ichida saylov o‘tkazilishi mumkin.
Qohirada o‘tayotgan Arab davlatlari ligasi sammitida mamlakatlar rahbarlari G‘azo sektori aholisini ko‘chirmasdan uni tiklash bo‘yicha rejalarni muhokama qildilar. Sammitning yakuniy bayonoti loyihasida Misrning G‘azoni tiklash bo‘yicha rejasi aks ettirilgan bo‘lib, u Falastinning barcha hududlarida bir yil ichida saylovlar o‘tkazilishini ko‘zda tutadi.
Arab davlat yetakchilari xalqaro jamoatchilik va moliyaviy institutlarni G‘azoga yordam berishga chaqirdilar. BMT baholariga ko‘ra, anklavni tiklash uchun 50 milliard dollardan ortiq mablag‘ talab etiladi.
Ushbu reja AQSH prezidenti Donald Trampning G‘azoni “Yaqin Sharq Riverasi”ga aylantirish haqidagi loyihaciga qarshi muqobil taklif sifatida ishlab chiqilgan. Trampning loyihasida anklavdagi 2 milliondan ortiq falastinlikni arab davlatlariga ko‘chirish nazarda tutilgan edi.
