O‘quvchiga shilqimlik qilgan o‘qituvchi ishi qayta ko‘riladi
Bu bo‘yicha prokuratura protest kiritdi.
Avvalroq Toshkent shahridagi xususiy maktabda o‘qituvchi 9 yoshli qizga shilqimlik qilgani va u 5 sutkaga qamalgani xabar qilingandi.
So‘nggi maʼlumotlarga ko‘ra, Yaksaroy tuman prokuraturasi mazkur ish bo‘yicha protest kiritgan.
3-mart kuni sudya erkakni 41-1-modda bo‘yicha aybdor deb topib, jabrlanuvchining yoshiga qaramay 5 sutka maʼmuriy qamoq jazosini tayinlagandi.
Prokuratura O‘zbekiston Respublikasi Jinoyat kodeksining 129-moddasi (16 yoshga to‘lmagan shaxsga nisbatan uyatsiz-buzuq harakatlar sodir etish) bilan jinoyat ishini qo‘zg‘atish to‘g‘risidagi masalani hal qilish uchun maʼmuriy sudning hal qiluv qarorini bekor qilib, ishni qo‘shimcha tergovga yuborishni so‘ragan.
Agar o‘qituvchi ushbu modda bo‘yicha aybdor deb topilsa, u 8 yilgacha ozodlikdan mahrum etilishi mumkin.
