Toshkentda yana o‘qituvchi o‘quvchiga shilqimlik qildi
Sud qarori bilan u 5 sutkaga qamalgan.
6 mart kuni Toshkent shahar jinoyat ishlari bo‘yicha Sergeli tuman sudida maktab o‘quvchisiga shahvoniy shilqimlik qilgan o‘qituvchiga oid maʼmuriy ish ko‘rib chiqildi.
Aniqlanishicha, shu yilning 4 mart kuni 322-maktab o‘qituvchisi E.P. 10-sinf o‘quvchisi R.F.ni (qiz bola) huquq darsidan har-xil baxonalar bilan xonasiga chaqirib, tegajoqlik qilmoqchi bo‘lgan. Shundan so‘ng holat yuzasidan IIO xodimlari tomonidan tegishli hujjatlar rasmiylashtirilgan.
Sud qaroriga ko‘ra, sudlanuvchi E.P. MJtKning 41-1-moddasi 1-qismida nazarda tutilgan huquqbuzarlikni sodir etganlikda aybli deb topildi va unga 5 sutka qamoq jazosi tayinlandi.
