Qashqadaryodagi sport kompleksda janjal chiqdi
Unda 10 ta yigit aka-ukani kaltaklagan.
Joriy yilning 14 fevral kuni soat 19:30 atrofida Chiroqchi tumanida joylashgan “Sharjah” sport kompleksda shug‘ullanuvchi fuqarolar o‘rtasida o‘zaro kelishmovchilik yuzaga kelgan. Oqibatda shu tumanda yashovchi muqaddam sudlangan fuqaro Q.O. to‘qqiz nafar sheriklari bilan aka-uka J.I. va J.A.ni urib tan jarohati yetkazgan.
Mazkur holat yuzasidan Chiroqchi tumani IIB huzuridagi TB tomonidan JKning 277-moddasi 2-qismining “a,b” bandlari bilan jinoyat ishi qo‘zg‘atilgan. Hozirda ishtirokchilarning o‘n nafariga nisbatan protsessual tartibda qamoq ehtiyot chorasi qo‘llanilgan.
