Viloyatliklarni haqoratlagan yigit qamaldi
Sud unga nisbatan 10 sutka qamoq jazosini tayinladi.
Avvalroq ijtimoiy tarmoqda bir erkak Toshkent shahriga viloyatdan kelganlarni haqorat qilib, video chiqargandi. Mazkur yigit va uni videoga olgan fuqaroga sud jazo tayinladi.
Aniqlanishicha, videoda viloyatliklarni turli xil so‘zlar bilan haqorat qilib, ularni Toshkent shahriga kelmasliklarini aytgan yigit 21 yoshli S.S. bo‘lib, u Qashqadaryoda tug‘ilgan, uni videoga olgan samarqandlik 21 yoshli o.N. bo‘lgan.
Sud majlisida so‘roq qilingan S.S ushbu videoni olishdan maqsadi birovni kamsitish bo‘lmaganligi, shunchaki so‘llashish shevalarini o‘xshatish maqsadida olishganligi, ushbu videoni ijtimoiy tarmoqqa do‘sti o.N. joylaganligi, viloyatliklarni “xarip” va boshqa haqoratli so‘zlar bilan so‘kkanligi, boshqa bu kabi holatlar qaytarilmasligini bildirgan.
Sud qarori bilan ikki yigit MJtKning 183-moddasi bilan aybli deb topilib, ularga 10 sutka maʼmuriy qamoq jazosi tayinlangan.
