Navoiydagi zavodda portlash yuz berdi
Hodisa oqibatida 11 kishi jarohatlangan.
Bugun, 11 mart kuni Navoiy shahridagi “Navoiyazot” zavodining 25-sex laboratoriyasida portlash sodir bo‘ldi. Favqulodda vaziyatlar vazirligi xabariga ko‘ra, hodisa natijasida 1 kishi halok bo‘lib, 11 kishi jarohat olgan.
Yong‘in-qutqaruv xizmatlari tezkor harakat qilib, yong‘inni soat 14:20 da qurshab olishga muvaffaq bo‘ldi. Soat 14:50 ga kelib, olov to‘liq o‘chirildi. Jarohatlangan fuqarolarga malakali tibbiy yordam ko‘rsatilmoqda.
Portlash sabablari hozircha rasman eʼlon qilinmagan. Mutasaddi tashkilotlar hodisa yuzasidan tergovga qadar surishtiruv ishlarini boshlab yuborgan.
Mazkur voqea sanoat korxonalarida xavfsizlik choralarini yana-da kuchaytirish zarurligini yana bir bor ko‘rsatmoqda.
