Qashqadaryodagi yonilg‘i quyish shoxobchasida yong‘in chiqdi
Hodisa oqibatida 2 kishi jarohatlangan.
Kecha, 10 mart kuni Qashqadaryo viloyati Kasbi tumani “Do‘stlik” MFY hududida joylashgan yonilg‘i quyish shoxobcha hovlisida 2 ta 9 tonnali sig‘im yongan.
Voqea joyiga 4 ta yong‘in-qutqaruv bo‘linmalari soat taxminan 22:04 da etib borib, soat 22:33 da yong‘inni to‘liq o‘chirgan.
“Yong‘in oqibatida 2 nafar fuqarolar kuyish tan jarohatini olgan. Hozirda ularning ahvoli yaxshi. Hayriyatki, halok bo‘lgan fuqarolar yo‘q. Yong‘in sababi va zarariga aniqlik kiritilmoqda”, - deyiladi xabarda.
