Tailandda arxeologlar yo‘qolgan qadimiy shaharni topdi
Hududdan qimmatli tarixiy maʼlumotlar topilishi mumkin.
Tailand arxeologlari Nakxon Ratchasima shahrining tarixiy markazida ilgari nomaʼlum bo‘lgan qadimiy shahar izlarini aniqlashdi. Tadqiqotchilar 1950 yillarda olingan aerofotosuratlarni tahlil qilib, to‘rtburchak shakldagi sopol tepalikni aniqlashdi. Bu hudud Taxong kanali bo‘ylab cho‘zilgan bo‘lib, qadimgi aholi punkti zamonaviy shaharning tarixiy qismidan ikki baravar katta – taxminan 3,4 kvadrat kilometr bo‘lgani taxmin qilinmoqda.
Mutaxassislarning fikriga ko‘ra, bu qadimiy shahar Buyuk qirol Naray (1656–1688) hukmronligidan oldin mavjud bo‘lgan. O‘tgan vaqt davomida uning janubiy qirg‘oq qismi o‘zining dastlabki funksiyasini yo‘qotib, zamonaviy Nakxon Ratchasima shahrining markaziy yo‘liga aylangan.
Bu topilma hozircha masofaviy tahlillarga asoslangan dastlabki natijalar bo‘lib, arxeologlar yaqin orada dala qazishmalarini boshlashni rejalashtirishmoqda. Olimlar bu hududda yana-da qiziqarli va qimmatli tarixiy maʼlumotlar topilishiga ishonishmoqda.
