Tezlik uchun jarima tartibi o‘zgarishi mumkin
Endi haydovchilar belgilangan tezlikdan 10 km/soat oshirgandagina jarimaga tortiladi.
O‘zbekiston Respublikasi Ma’muriy javobgarlik to‘g‘risidagi kodeksga o‘zgartirish kiritish bo‘yicha qonun loyihasi Qonunchilik palatasiga taqdim etildi. Ushbu tashabbus Vazirlar Mahkamasi tomonidan ilgari surilgan bo‘lib, qonun loyihasi qabul qilinsa, tezlikni oshirish bilan bog‘liq jarima tizimi o‘zgaradi.
Yangi qonun loyihasiga ko‘ra, radar va avtomobil spidometri ko‘rsatkichlaridagi ehtimoliy xatolarni hisobga olgan holda, jarima belgilangan tezlikdan 10 km/soat chegirib hisoblanadi.
Hozirgi amaliyotda esa bu farq 5 km/soat bilan cheklanadi. Masalan, agar yo‘lda 60 km/soat tezlik belgilangan bo‘lsa, haydovchi 69 km/soat tezlik bilan harakatlansa, unga 64 km/soat (5 km/soat chegirma bilan) uchun jarima qo‘llaniladi. Yangi qonun qabul qilinsa, bu chegirma 10 km/soat bo‘ladi va jarima 59 km/soat yoki undan yuqori tezlikda belgilangan tartibda qo‘llanadi.
Mazkur o‘zgarish yo‘l harakati qoidalarini yanada adolatli qilish, radar va spidometr o‘lchovlarining aniq bo‘lmaganligi sababli haydovchilarga asossiz jarima solish holatlarini oldini olish maqsadida taklif etilgan.
Rasmiylar ushbu qonun haydovchilarning huquqlarini himoya qilish va jarima tizimining aniq va shaffof bo‘lishini ta’minlashga xizmat qilishini ta’kidlamoqda.
