Dunyodagi eng katta oltin zaxiralariga ega davlatlar
Bu bo‘yicha kuchli 10 talik eʼlon qilindi.
Jahon bo‘ylab markaziy banklar oltin zaxiralarini oshirishni davom ettirmoqda. Uchinchi yildirki, ular 1000 tonnadan ortiq oltin sotib olmoqda. Mutaxassislarning fikriga ko‘ra, bu jarayon 2025 yilda ham davom etib, umumiy xarid hajmi 900 tonnaga yetishi mumkin.
Jahon oltin kengashi (WGS) maʼlumotlariga ko‘ra, eng katta oltin zaxiralariga ega davlatlar ro‘yxatida AQSH birinchi o‘rinni egallab turibdi (8133,46 tonna). Ikkinchi o‘rinda Germaniya (3351,53 tonna) joylashgan. Keyingi o‘rinlarda Italiya (2451,84), Fransiya (2437), Rossiya (2335,9) va Xitoy (2279,56) bor. Shuningdek, Shveysariya, Hindiston, Yaponiya va Gollandiya ham kuchli o‘ntalikka kirdi.
Tahlilchilarning fikricha, geosiyosiy vaziyat keskinlashgani sababli qimmatbaho metallga bo‘lgan talab ortib bormoqda. Oltinning strategik ahamiyati tobora kuchayib, rasmiy zaxiralarning xavfsizlik va iqtisodiy barqarorlik omili sifatida qaralishiga sabab bo‘lmoqda.
