Rossiya moliya bozorida dollar narxi tushmoqda
Mutaxassislar valyuta bozoridagi holatga izoh berdi.
17 mart kuni ertalab xalqaro valyuta bozorida dollar kursi 85 rubldan pastiga tushdi va bu holat oxirgi marta 11-martda kuzatilgan edi.
Ma’lumotlarga ko‘ra, Moskva vaqti bilan 10:31 da dollar kursi 84,98 rublni tashkil etib, 0,32 foizga pasaygan. 11:50 ga kelib esa, kurs yana tushib, 84,34 rublga yetgan, bu esa 1,32 foizlik pasayish deganidir.
Yevro ham arzonlashib, 11:45 da uning kursi 91,96 rublga tushgan (-1,13 foiz).
Bunga qaramay, mutaxassislar kursning kelgusi kunlarda qanday bo‘lishi borasida turlicha fikr bildirmoqda. "Русский Стандарт" banki moliyaviy operatsiyalar departamenti direktori Maksim Timoshenko dollar kursining 84-86 rubl, yevroning esa 91-94 rubl oralig‘ida bo‘lishini tahmin qilmoqda.
Shuningdek, 21-mart kuni Rossiya Markaziy banki asosiy stavka bo‘yicha qaror qabul qilishi kutilmoqda. Mutaxassislarning fikricha, hozirgi 21 foiz stavka o‘zgarishsiz qolishi mumkin, va bu kurs o‘zgarishlariga oldindan kiritilgan hisoblanadi.
